Haghie Rayo puaso 2010..

"Asalamualaikummm... kwn datanggg.. nak berayo nieeeee......... ahha.."

Dah abes pun bulan syawal, baru nk dicito pasal rayo potamo, janji adokan, rayo potamo den dgn anak minik den kek kg, somban yo.. memang solalu eyh cegini.. tongahari kang baru den bodosup balik kg mem.. lalalala.. nganu kita!! hik2.. iyo, den drive 8 jam boghonti-ghontiii..

Special possing by anak minik den, kalar biru tahun nieh ha.. santik tak?? last minit boli, takdo tompah2 tahun nie.. baju molayu den yo tompah, itu ponn dah makin maha.. tahun dopan, kok jumpo kodai jual baju molayu satin cun2.. don boli yo.. lambek laei nk rayo pon takpo, den simpan dlm lomari..

Sodaplahhh!!! anak2 den bersantai, sambei menonton TV.. somontaro tunggu omak den bersiap, tongah ado kek dapur tue, buek inspection.. nengok rondang, lomang, nasi impit, segalolah redi for action!! hik2.

Tadi tu, den kendit, yg bongsu yo sompet tunjuk 4-2=2.. hik2, yg len leko bona tgk tv.. cito apo, den pun x hengat.. yg ni, baru bosodio nak berposing... yeyy!!!!!!!!! Cerio, macam papa dorank jugak.. ahha..

Kumpul ramai2 dongan sesupu2 lak.. ni baru sobahagian yo ni, ado yg x balik lagi, yg bosar pun tak campor laie.. dah bosar, malu deyh nk bergambar dongan sopupu yg cinoit ni laie...

Yg sulung sodang mombori taklimat bagaimano nk kutibpduit rayo dgn ponuh tatatortib kek adik2 dio.. redi?? GOGO POWER RANGERS!!!..

Contoh sampul duit raya yg berjayo dikutib dari pakcik dan makcik eiyh.. dan sopupu yg dah bosar godang..

Yg bongsu pulak, mengunakan aset kecomelan yg dio ado utk monarik pohatian pakcik dan makcik dio, utk sesi mongutip duit rayo..

Ginilah suasano sesi bersalam-salaman dan jugo mongutip duit rayo.. macam pesta!!! Bukan semuo boleh meraso cegini.... kankankan?

Muko2 cerio anak2 kocik berhari raya.. mampukah kito mongulanginya?? insyallah...

"Ini tahun raya ketiga saya memegang lemang, dan baru saya tahu ini namanya... lemang, tapi kenapa papa den kata 'LOMANG'.. pelik la papa aku cakap.. kat rumah takde lak cakap slanga begini.. mungkin saya anak2 lagi.. sebab tu tak faham.. macehhh.." kato2 sugarcane dari anak bongsu den ni ha..

Nasi Boriani Gam, hasil tangan minik den... rosopi dari pakistan, arwah nenek dio yg ajar.. dennn.. tahu makan yo.. lauk eiy.. kari tu haa.. likattt!! molokatt!!! ahha..

Takdo dah yg rajen nganyam kotupek, omak den dah tuo.. x larek kato eiyh.. jadi, nasi impitlah yg ado di pagi rayo yg indah ini... tapii!!!!!!!!! kuah kacang, tetaapppp mentennnn.. kono lak ado rendang daging.. maveles lah!!! nyam-nyam-nyam..

Ermm, ingat den maso kocik2, omak den impit nasi ni pakai batu giling yg petak ompek sogi yo, skang x laie.. pakai yg dlm pelestik.. sonang dan mudahh..

Juadah kogomaran den jugak, lomang dongan rondang daging... tak amik byk, den dah siap2 nk bordosup ke nganu lak... kang gilo ngantuk mato den..

Ahha, ado.. omak den boka kan 2 btg lomang.. tu yg den mkn sikit yo ni, amek raso...

Yolah.. abes dah sepagi cito rayo den, tongahari bawak ko malam, rayo dlm keto yo, rayo potamo pun byk keto, sangkuit lah sojam lobih dari ampangan ko tanjung ipoh.. pastu, sangkuit lagi dari kemaman sampailah dungun.. Kayo bona org malaysia ni.. ramai yg pakai keto, sampai tak muek jalan...

Eksiban? ado yo.. kek kuantan, moto dilugah kek keto agak eiyh.. tojolepok rider kek tongah jln, polis mandang yo.. huhue.. kompom padamlah tu.. nunggu petugas amek bawak poie spital.. nak buek camnokan, malang x berbau...

Iyolahhhh... dah habes dah cerabih den pasal rayo tahun nieh... wasalam!!!