Pantai Teluk Bidara, Dungun Sep/2010

Ha!!!!!!!!! jumpo laei kito!! ahha.... Kali ni den nak bercerabih pasai kunjungan den sekeluargo ko Pantai Teluk Bidara, Dungun Terenganu!!! maso balik ghayo marin.. (tau kan, mem den org nganu? ahha..)..

Pantai ni, adalah antaro pantai yg 'agak' selamat lah kalo nk kecebur.. agak2 x kompiden tu.. bogonang kek gigi air sudey.. kok laie penakuit!!.. bawak timbo dari ghumah.. wa' an mandilah kek pantai bobotol!! akakakaka....

Gambar morcu tando Pantai Teluk Bidara, Dungun Tonganu.. (na.. na.. na.. na.. ngatu kite.. ahhai..nyanyi lak..), bondalah nie baghu yo dibuek.. dulu carca marba yo pantai ni.. yolah, duk corok.. takdo org luar yg tahu.. nak2 dulu nk nyampai kosini, berpusing bagai.. padahal, botongtan sipi sikit dgn pokan Dungun.. skang ni yo sonang yg amek.. dah ado jambatan.. 5 KM yo dari pokan dungun.. sori yo, bas loncek2 takdo.. nk, cari keto sewo la.. jgn deyh lupo amik no tipon drebar keto sewa tu.. kok menyasar balik jln kaki..

Ni ha poto daghi gugel map.. pantai yo ngadap Laut Chino solatan.. jgn dibuek jobo nar.. hanyuit kang, borkutip jonazah wa'ang kek pantai kertih karang.. aruih kuek tuee.. den dah kobarkan nieh.. sok2 jgn kobar den tak posan lak!! ahha..

Wuiii.... sogonok bona anak2 den mandi laut ni ha... asyik la botanyo mama eyh.. "bile nk balik rumah wan nganu... nak mandi pantailahhh..." budak2.. kalau bab air!! x dpt nahan eyh... padahal, byk kali dah ko sini... rumah pak alang pun sojangka yo dari pantai nieh...

psst... jornih tak air? holaaa... ni kek belah tanah bosar yo ni... alum poie ko pulau laiee.. bolot letrik pun boleh nampak okeyy!!..

Ha!!! selalu oghang sebok buekan istano pasir.. skank dunio dah maju, kohidupan makin boghubah.. amek!!!! keto F1 eden tala!! santik takkkKKK??? hik2...

Ecehh!! lambaian sang juaro lah tu kununn... xixixixixixi... insyallah, bakal enjiniar Ferrari sok nieh.. aminnnnnnNNN..

Abes tu.. dah abg long dio berposting sakan.. adik dio yg cun melocun ni yo juo bergamba... okeyyy.. tayang gigi ititt.... yg ni bakal doktor gigi, tapi maso jumpo doktor gigi.. monanggis.. ado sekali tu, jari doktor gigi digigitnya.. ahha.. menjerit manja doktor tu.. pompuan wo.. cun!! hik2..

Giliran yg kocik lah pulakkk... pelakon tambahan paling polpular nieh.. apo sajo dibuek dek abg akak dio.. habes segalo nk buek gak.. takdo kompromi do.. layankan ajolah.. cam beso, kocik laie.. boleh lah nk dilayan manjo eyh.. bosar sikit sok, den tampa2.. jo kang.. ahakss.. iyolah, tak tahu laie bakal jadi aponieh... kocik bobona.. apo yg dicakap.. den pun x paham..

4-2 jadi berapa??? DUAAAAA!!!! bukan 'peace' yo... ahha, pandailah den kona-konakan kenyataan.... (tgk kilauan air laut dioo.. joronihhh laaaaa... PD takdo jornih ceginikan??)..

Abesdah den nak bercerabih... kek bawah ni adolah sikit snap shot area Pantai Teluk Bidara niehh.. buek penyegar mato...

Gilo jornihkan air laut dio... maso mandi, ank ikan main colah2 kotiak yo niehh.. x cayo, korank poie lah senirik.. tapikan, kok musim tongkujuh.. x yah lah yo... kalo sajo nk ngambik angin laut boleh la.. nk kecebur, den nasihatkan..jgnn.. ombak bosa!! woooo!!!! beringat sobolum kono!! MACEHHHH!!!!