Aiyo.. somontolah plug cover asal keto seyh dah monjojak ko sepuluh tawon.. lopeh seyh spray wrinkle red marin..nampak dah x match lah pulak... dan lagi, plastik dah mulo goput.. seyh humban yo kek tong sampah.. babai..
Seyh spray warna merah, spray tin jer.. lamooooooo dulu..dah kusam ponn..
Lopong.. takdo plug cover..lopeh seyh spray valve cover..
Goman plug cover asal campro, kaler itam..
Jadi, memandangkan gen2 seyh dah x do plug cover.. apolagi, gugel2 image lah carian maklumat apo yg ando.. boleh adjust2 ke bajet bulan dopan... caghi mano yg bokonan, seller mano yg buleyh bagi rogo cantik... 'atauuuuuuuuuu'... takpolah, seyh risik satu2 dulu yo...
R3 punyo..
R3 keluarkan design ni, lamoooooooooooooooo dah.. tapi x nampak gamai yg pakai, faktor rogo kot..yolakan, bondo duduk dlm bonet, bukan selalu bukak.. owank x nampakkk.. kecuali bilo ngantar ko benkel.. sokoping R3 onjut sampai RM250.. maha kek branding yoni.. jawoh berkilometer dari design OEM, plastik kaler hitam.. RM30 yo sokoping.. tapi x lamo dulu, ado seyh jumpo yg rogo RM90 sokoping..kojab yo ado eyh... tanyo seller, susah nak dapek..
R3 yg rogo RM90 sokoping
Nampak mcm samokan? tapi pogatikan boboto... kek plet hitam, ado bolipek sikit.. tapi takpolah kan, janji bukan plastik..rogo pun berkilometer murahnye... bobaloi2.. Tapi kalo yg kaki nk brg ori semanjang, boleh yo dapekkan yg R3 boto.. maso ado pameran proton motorspot, boleh dapek RM150 sokoping.. masehhhhhhhh bagi seyh, mahallllllllllll lagi..
Plug cover imitation pun ado, samo kaler megheh, tapi tulisan kek plet lain, kaler krom.. mughah sikit, RM80 sokoping... plet tu, kalo x suko, boleh yo modified sikit.. spray hitam ko, balut sticker carbon fiber ko..ikut lah mano2 yg terpikir..
Plug Cover Imitation, cop HKS mo Tomei tu.. x beragak..
Ok, kito lupokan pasal R3, ado yo yg lain, yg takdo DNA R3, siapo2 ado machine shop, boleh yo DIY bondo ni.. saeng seyh potong transferen acrilic sheet yo, sobab maso tu, gen2 baghu kuar 2 tawon, dah rolai, jadi mcm biskut koping.. nk cari sparepart maso tu, memang pahit la nk jumpo... seyh pun lamo x jumpo dyo, pakai gen2 lagi ko idak.. nijam.
Ado yg custom guno carbon fiber, ado yg guno steel plate dan ado yg guno aluminum plate.. ado yg jual open, ado jugak yg jua..kalo buek enjin upgrade kek bengkel dorank.. sajo nk boli, x dapek kot..
Carbon Fiber, Mobdesigndecals, RM170+/-
Password AP RM200+/-, byk pilihan kaler ni..
Works, top branding, RM80, susah nk dapek dah..
Works coming soon kalo ikut website gen2 UK.. sempoiiiiiii RM50 ok kot?? xixi
Kalo ikutkan yg bokonan kek jiwo.. seyh suko yg works 'coming soon' sajak boto bilo pasang mo valve cover seyh yg kaler meghah wrinkle tu.. tapi tula, sampai ke Malaysia ke idak x tahulah... bondo dah nk pakai... x dayo do seyh nengok valve cover tolopong takdo plug cover eyh.. tu yg seyh koba 'atauuuuuuuuuuuuuuuu' maso mulo2 entry nieh..
Seyh nk boli plug cover imitation..pehtu, buang plet krom... spray mo kaler itam... pehtu, spray tulisan Works Engineering guno spray kaler kolabu... acitak??? nk guno sticker, x memadai kot.. paneh tu dlm kobok enjin... cair plak sticker tu kang, sio pokojoan.. ahha... tunggu lah camno... kang dah berhasil, seyh cito kek sini... babaiii..
