Po pulakkk nie.. cito antu ko apo?? ahha... meyh tgk dulu apo goman kodai usang..
Kodai usang yg dimaksudkan...
Dah tu..napo dongan kodai ni? marin..maso lingkaran pulau indah bolom siap.. kiro, kodai ni..duk kek corok bana la... nijam, bodondoi2 keto lalu.. tapi.. x semuo tahu apo ado kek kodai nie... bisnes juta2 setawon nie... jadi tumpuan pomboli2 tegar..dari dlm pulau..maunpun dari luar pulau..
Pintu belakang..
Daghi dopan..mcm takdo popokan? try ar g belakang kodai... meghiahh.. parking pun gobut2.. masih x dapek tangkap kodai ni jual apo?? Kalua jonih yg selalu ko pasar, Nampak tong tu pun dah tawu apo bisnes dyo.. xixi
Dalam kodai.. sesakkk sudahhh...
Tu deyh.. kodai jua ikan fresh, fresh lah sgt..byk yg godang2 anak ikan eyh.. toksah nak mimpi nk boli ikan kombong mo solar kek sini yo.. ikan selayang mo sardine..lagilah x yah.. abih dah peniago pasar mo restoren tapau...
ha..dipilih..dipilih!!!!
Daghi jenahak...membawo ko kerapu...semuo jonis ikan bagak2.. 2 kilo keateh... tu yg seyh jrg nk masuk kodai ni... seyh nyingah pun pasai nk cari kotam bungo..kot ado yg sekor 1/2 kilo.. nak ar seyh boli limo ekor..lopeh anak beranak seyh bolimo.. aleh2, bayang pun takdo... buang Karen yo..
Ikan merah... rm20++ sekilo
Mem seyh kobaan.. omak abah dyo suko ikan nieh.. tapi seyh dongan mem seyh..x goma, isi dyo liat... x mcm siakap.... adogak cari tadi..kot ado yg sekilo sekor.. masak tigo ghaso..sodap tu.. tapi tula, adola tinggai sekor..itupun, agak2 adola 3 kilo boghek dyo.. bosa bona..
Ikan tengiri.. 2 kilos sekor ni.. sekilo..rm20++
Ni peberet mem seyh.. kalo boli.. 2 minggu baghu abes sekor... mcm2 boleh msk..daghi kari, bawaklah ke asam podeh...
Udang kara... rm40++ sekilo..
Uii..terujo kojab tgk udang nieh.. tapi..mcm x berbaloi lah pulak kalo boli..boghek kepalo daghi badan.. kocik pun kocik..adola 100gram sekor..kot sekilo sekor..laju seyh boli.. ahha..
Nunggu ikan kono siang.. ramailahhh manusia..
Dah ikan bosa2..nk balik siang sendighi, takdolah kan... dapur nijam..kocik2 anak.. 2 org kek dapur, dah lago2 buntut... kikiki.. sambil2 tunggu mem cari ikan..seyh Nampak ar ando pakcik u g timbang pepahat.. wohoooo, peberet seyh tu!!! tapi gupo eyh, tu yg ngelas.. cehhh.. lenkali lah yo...
Kalo nk caghi kodai ni... x susah kek seyh, sobab seyh hari2 lalu dopan kodai ni..tapi bagi org yg x biaso masuk area kampong Pulau Indah... land mark dyo.. Pusat kesihatan Pulau Indah, bilo dah jumpo.. boleh toghuihhh yo.. sampai la jumpo surau kek bolah kighi.. pehtu ado simpang tigo, gi kanan.. kodai kek bolah kanan... kalo tolajak.. satu masok kampong semulo..satu lagi lopeh ko jeti..
Ahha.. apolahkan, dah botahun dok pulau..baghu nk buat entry pasal tompek jual ikan fresh..xixi...
