HSE week 2010, Derma Darah.... wie!!

Maso eyh dah tibo laie... macam biaso, dokek2 hujung tahun, adolah HSE week nieh... adolah aktiviti2 yg dianjurkan.. salah satu eyh.. dormo darah.. ahha, goma den tu...

.

Kok ado yg nak tahu.. HSE tu.. Health, Safety and Enviroment.. ahha.. Dept dorank nieh yg anjurkan kempen selalu, paginya, ado perhimpunan, mini pembukaan.. ado kuiz, hadiah voucher RM400.. selamat.. ada penyampaian award utk Safe Card terbaik bulan Oct dongan Nov..

.

Jumaat pagi, baghulah acara bosar-bosaran.. ado T-Shirt FOC.. goma den tu.. ekekeke..

Mcm2 kebaikan dan mcam2 juo alasan yg diberikan.. ikut dek keikhlasan hatila... cumo yg den selalu ingat, kito mungkin perlukan darah ni maso kito x soda.... cakap byk pon takdo guno.. masing2 dah bosa... ahhai..

Ceginilah keadaan eyh dormo darah nieh.. part yg den paling x goma, bilo dicucuk jari utk buat sampel jenis darah.. tokomut jubo dibueknyo!!!.. hik2... Darah den jonih 'O+'..

Den org ko 17.. baru lopeh lunch hour, ghamai bolum nk ready lagi kot... kang doket2 pukul 3.. ramailah mintaknya.. semangat sikit misi2 nk dtg lagi jumaat nieh... dan jugo, tahun dopan... kankankan???

Lopeh amik darah, adolah berpinar..sikit yo... syahdu yo gaso eyh.. bilo dah gaso cam biaso, disuruh eyh minum milo.. uii.. kupi2 takdo ko? ahhaii.. cam budak2 ghaso eyh minum milo nieh... haisss....

.

Selain tu, adolah sikit biskut, roti dan air kotak... bosorto sijil penghargaan dari kementerian kesihatan.. adolah, buek tando mato...

.

Masuk yg ni, kali kelimo den dormo darah... den ingat laie maso potamo kali den dormo darah, nun kek spital sogomban.. tahun 2000, bujang laie. Den nomankan house mate den poie spital tu, dio nk kompomkan tarikh potong ketumbuhan kek tinggo dio.. maso doktor check dio, den bosan lah plak.. bantai ler pusing2 spital.. x biaso dtg spital lah katokan..

.

Tongah jln2, nampaklah den bilik mendormo darah nieh.. den pun selambo yo daftar.. dapeklah pen sebatang.. ahha... member den pun ikut sekali dormo darah... sajo nk ghaso camno.. eloklahtue.. :)

.

Pastu, bertahun gak lah den x mondormo darah, sibuk kojo.. dan, maso tu dah kahwen.. dah ado anak.. x hengat langsung dah nk dormo darah ni.. Tibolah satu maso, maso minikden mengandung anak keduo.. manjang ko spital somban yo... jadilah kali keduo den dormo darah nie...

.

Kali ketiga... anak keduo den kono asma, kono selalu poie spital sogomban gak laie.. cumo, kali ni agak berbezo, berpinar2 den.. muntah belilah, seb bek dah sampai ghumah baru kono.. wuiiihh... soram sojuk dah badan niehh.. ado ghaso nk inallilah dahh.. pandang kanan, pandang kiri, pandang dopan.. pandang bolakang, pandang ateh, pandang bawah.. putehhhh dah.. kuuu semangat!!!

.

Kali koompek.. den dah kojo ket kompeni skang, kiro.. HSE week 2009 lah.. okeyjer.. lebih kurank yg kali kelimo gak.. ahha..

.

Wa... terpanjang lak den membebel kali nieh... akakaka.. jgn susah dormo darah yo!!!